யானை தாக்கி முஸ்லிம் சகோதரி வபாத் (படங்கள் இணைப்பு)

ஹப்றத்

 

 

 

இன்று செவ்வாய்கிழமை பட்டப் பகல் 12.00 மணியளவில் காட்டு யானையின் தாக்குதலுக்கு  இலக்காகி சம்மாந்துறை சென்னல் கிராமம் - 02 ம் பிரவைச் சேர்ந்த முகம்மது இஸ்மாயீல் முக்குலுத்தும்மா  வயது -65 என்பவர் ஸ்தலத்திலேயே உயிரிழந்துள்ளார்.

குறித்த நபர் தனது தென்னம் தோப்பில் இருந்து கொண்டு கிடுகு இளைத்துக் கொண்டிருந்த சமயம் திடிரென  தோட்டத்திற்குள் நுளைந்த யானை  அவ்விடத்திலிருந்து அத்தாயை தூக்கிக் கொண்டு சென்று அத்தோட்டத்தின் வேறு ஒரு இடத்தில் போட்டு மிதித்துக் கொண்றுள்ளது.

இச்சம்பவம் தொடர்பில் அறியமுடிகின்ற விடயம் சம்மாந்துறை மல்வத்தை மஜீட்புரம் பிரதேசத்தில் கூட்டமாக நின்று கொண்டிருந்த யானை கூட்டத்தை வனவிலங்கு அதிகாரிகளின்  உதிவியுடன் காட்டுக்கு விரட்டும் நடவடிக்கையின் போது ஒரு யானை தனித்து வேறாகி மஜீட்புரம் பண்டு வீதியூடாக வந்து கொண்டிருந்த வேளையில் அவ்வீதியூடாக வந்து கொண்டீருந்து ஆட்டோ வாகனத்தை மறித்துள்ள நிலையில் சாரதி ஆட்டோவை விட்டுவிட்டு தப்பியுள்ளார். ஆட்டோவை அடித்து சேதப்படுத்திவிட்டு சென்னல் கிராமம் பிரதேசத்தை நோக்கி  சென்று இச்சம்பவத்தை நிகழ்த்தியுள்ளது என்பது சம்பவத்தை  கண்டவர்கள் அவ்விடத்தில்  தெரிவித்தனர்.

இச்சம்பவம் தொடர்பான விசாரனைகளை சம்மாந்துறைப் பொலிஸார் மேற்கொண்டு வருகின்றனர்.