சிங்களப் பிரதேசங்களில் ரவூப் ஹக்கீம் தேர்தல் பிரச்சாரம் (படங்கள் இணைப்பு)

நீதியமைச்சரும், ஸ்ரீ லங்கா முஸ்லிம் காங்கிரஸ் தலைவருமான ரவூப் ஹக்கீம் அம்பாறை, திருகோணமலை மாவட்டங்களில் சிங்களப் பிரதேசங்களிலும் தமது கட்சியின் வேட்பாளர்களை ஆதரித்து பிரசார  நடவடிக்கைகளில் ஈடுபட்டு வருகிறார்.

கடந்த 15 ஆம் 16 ஆம் திகதிகளில் அமைச்சர் ஹக்கீம் அம்பாறை மாவட்டத்தில் தெஹியத்தகண்டிய பிரதேசத்தில் தமது பௌத்த சமய  ஆலோசகரான அமரபுர மகா நிக்காய சங்கசபாவின் அனுநாயக்கர் தொடங்வல தம்மரத்ன தேரர், அவரது சீடரான வன ரத்தன தேரர், அமைச்சரின் மக்கள் தொடர்பு அதிகாரி மஹிலால் த சில்வா, முஸ்லிம் காங்கிரஸ் அம்பாறை மாவட்ட பொருளாளர் எஹியா கான், வேட்பாளர் விமலவீர திஸாநாயக்க , கட்சி முக்கியஸ்தர் ரவூப், முஸ்லிம் காங்கிரஸ் உட்பட தீவிர தேர்தல் பிரசார நடவடிக்கைகளில் ஈடுபட்டிருந்தனர்.

தெஹியத்த கண்டியவில் 58 குக் கிராமங்களில் ஸ்ரீ லங்கா முஸ்லிம் காங்கிரஸின் தேர்தல் நடவடிக்கைகள் முடுக்கி விடப்பட்டுள்ளன. முஸ்லிம் காங்கிரஸிற்கு ஆதரவு திரட்டி சிங்களப் பிரதேசங்களில் கட்சியின் மகளிர் அணிகளும் செயல்பட தொடங்கியுள்ளன. ஏராளமான சிங்களப் பெண்கள் முஸ்லிம் காங்கிரஸின் மகளிர் அணியில் இணைந்துகொண்டுள்ளனர்.