பஷீர் சேகுதாவூத் பிரதியமைச்சர் பதவியிலிருந்து ராஜினாமா

TM

ஸ்ரீலங்கா முஸ்லிம் காங்கிரஸின் தவிசாளரும் மட்டக்களப்பு மாவட்ட நாடாளுமன்ற உறுப்பினருமான பஷீர் சேகுதாவூத்,  உள்நாட்டு வர்த்தக கூட்டுறவு பிரதியமைச்சர் பதவியிலிருந்து   ராஜினாமா செய்துள்ளார்.

 அமைச்சர் பதவியை பெற்று முஸ்லிம் காங்கிரஸை பிளவுபடுத்த முயற்சிப்பதாக செய்திகள் வெளியாகியுள்ளன. இந்நிலையில் குறித்த பிரதி அமைச்சர் பதவி தனக்கு அவசியமில்லை என அவர் தெரிவித்தார்.

 இது தொடர்பில் நாடாளுமன்ற உறுப்பினர் பஷீர் சேதாவூத்  மேலும் தெரிவிக்கையில்,

 "கட்சியை பிளவுபடுத்தும் செயற்பாடுகளில் நான் ஈடுபடவில்லை. அரசாங்க வாகனங்களை பயன்படுத்தி அரசுக்கு எதிராக தேர்தல் பிரச்சார நடவடிக்கையில் ஈடுபடுவது சிறந்ததல்ல  என்ற காரணத்தினாலும் அமைச்சு பதவியை இராஜினாமா செய்கின்றேன். 

இன்று முதல் கிழக்கு மாகாண சபை தேர்தலில் ஸ்ரீலங்கா முஸ்லிம் காங்கிரஸிற்கு ஆதரவாக பிரச்சார நடவடிக்கையில் ஈடுபடவுள்ளேன். எனது இராஜினாமா தொடர்பில் கட்சி தலைவர் ரவூப் ஹக்கீமுடன் கலந்துரையாடி பின்னரே இத்தீர்மானத்தினை நான் மேற்கொண்டேன்.

 எவ்வாறாயினும் தொடர்ந்து ஸ்ரீலங்கா முஸ்லிம் காங்கிரஸின் தவிசாளராக செயற்படுவேன்" என்றார்.