ஐந்தாம் ஆண்டு புலமைப் பரிசில் பரீட்சை வினாத்தாள் முன்னரே வெளியானதா..?

AD

 

புலைமைப்பரிசில் பரீட்சை வினாத்தாள் முன்னதாக வெளியிடப்பட்ட சம்பவம் தொடர்பில் விசாரணைகளை குற்றத்தடுப்பு பிரிவினர் மேற்கொள்ளவுள்ளதாக பரீட்சைகள் ஆணையாளர் நாயகம் டபிள்யூ.எம். புஸ்பகுமார தெரிவித்தார்.

 

2012ஆம் ஆண்டிற்கான புலைமைப்பரிசில் பரீட்சை நேற்று (26) நாடளாவிய ரீதியில் இடம்பெற்றது. இந்த பரிட்சைக்கு முன்னதாகவே பரீட்சை தாள்கள் வெளியிடப்பட்டுள்ளதாக ஆசிரியர் சங்கம் குற்றஞ்சுமத்தியிருந்தது.

 

இச்சம்பவம் தொடர்பில் குற்றத்தடுப்பு பிரிவினரிடம் முறைப்பாடு செய்யப்பட்டுள்ளதாகவும் பரீட்சைகள் ஆணையாளர் நாயகம் தெரிவித்தார்.  எப்படியிருப்பினும் வினாத்தாள் பரீட்சைக்கு முன்னதாக வெளியிடப்பட்டமை குறித்து இதுவரையிலும் தனக்கு எழுத்து மூலமான முறைப்பாடுகள் எவையும் கிடைக்கப்பெறவில்லை என புஸ்பகுமார மேலும் குறிப்பிட்டார்.