சரியான நேரத்தில் அதான் ஒலி/ஒளி பரப்புங்கள் - இலத்திரனியல் ஊடகங்களிடம் கோரிக்கை

                                                எப். எம். பைரூஸ்

நோன்பு துறக்கும் நேரத்தை இலத்திரனியல் ஊடகங்களில் அறிவிக்கும் போது சரியான ஒரே நேரத்தில் சகல ஊடகங்களிலும் அதனை ஒலி, ஒளிபரப்பு செய்யுமாறு ஸ்ரீலங்கா முஸ்லிம் மீடியா போரம் இலத்திரனியல் ஊடக நிறுவனத் தலைவர்களைக் கேட்டுள்ளது.

முஸ்லிம்கள் உரிய நேரத்தில் பாங்கு ஒலியைக் கேட்டு நோன்பு திறக்க இது வசதியாக இருக்குமென்றும், சில நிமிடங்கள் தவறாகக் கணிக்கப்பட்டு “பாங்கு” முன்னும், பின்னுமாக ஒலி, ஒளிபரப்பாகும் நிலையைத் தவிர்க்குமாறும் முஸ்லிம் மீடியா போரத்தின் தலைவர் என். எம். அமீன் இவ்விடயமாக எழுதியுள்ள கடிதத்தில் தெரிவித்துள்ளார்.

சில தினங்களுக்கு முன் ஒரு தொலைக் காட்சி தவறான நேரத்தை “பாங்கு”க்காக பயன்படுத்தி யதாகவும் இத்தகைய தவறுகள் நடக்காமல் இருக்க ஒரே நேரத்தில் “பாங்கை” ஒலிபரப்ப ஆவன செய்யுமாறும் அவர் கேட்டுள்ளார்.