பல்கலைக்கழக மாணவர் போராட்டம் - கொழும்பு யுத்தக் களமானது

 

கோட்டை ரயில் நிலையத்திற்கு முன்பாக மேற்கொள்ளப்பட்டு வரும் பல்கலைக்கழக மாணவர்களின் ஆர்ப்பாட்டத்திற்கு பொலிஸார் கண்ணீர் புகைக் குண்டு மற்றும் நீரை பாய்ச்சி தாக்குதல் மேற்கொண்டுள்ளனர். இதனால் அப்பகுதி யுத்தக்களம் போன்று காட்சியளித்துள்ளது.

 

மாணவர்களின் இந்தப் போராட்டம் காரணமாக வருவதால் ஓல்கோட் மாவத்தை மூடப்பட்டுள்ளதாகவும் பொது மக்களை மாற்று வீதிகளை பயன்படுத்துமாறும் பொலிஸார் அறிவுறுத்தியுள்ளனர்.

 

அரசாங்கத்தின் அடக்கு முறைகளுக்கு எதிர்ப்பு தெரிவிக்கும் வகையில் கோட்டை ரயில் நிலையத்தில் இருந்து ஜனாதிபதி மாளிகை வரை பேரணி செல்ல முயன்றுள்ளனர் இதை தடுப்பதற்கு பொலிஸார் முயன்றபோதே மாணவர்களுக்கும், பொலிஸாருக்கும் மோதல் நிலை ஏற்பட்டுள்ளது.

 

பல்கலைக்கழக விரிவுரையாளர்களின் பிரச்சினைக்கு தீர்வு கண்டு பல்கலைக்கழகத்தை மீண்டும் திறத்தல், தனியார் பல்கலைக்கழகம் அமைக்கும் முயற்சியை கைவிடல் உள்ளிட்ட கல்வித் துறையில் ஏற்பட்டுள்ள பல பிரச்சினைகளை முன்வைத்து இந்த ஆர்ப்பாட்டப் பேரணி இடம்பெற்றதாக மாணவர்கள் தரப்பில் தெரிவிக்கப்பட்டுள்ளது.