முஸ்லிம் குடும்பஸ்தர் வெட்டிக்கொலை - பரகதெனியாவில் சம்பவம்

v

மாவத்தகம பொலிஸ் பிரிவுக்குட்பட்ட பரகதெனிய பகுதியில் முஸ்லிம் குடும்பஸ்தரொருவர் கொடூரமான முறையில் வெட்டிக் கொலை செய்யப்பட்டுள்ளார்.

குறித்த படுகொலை சம்பவத்தினால் மாவத்தகம வேலுட பிரதேசத்தைச் சேர்ந்த 48 வயதுடைய மொஹமட் சித்திக் என்ற குடும்பஸ்தரே கொல்லப்பட்டுள்ளதாக பொலிஸ் ஊடகப்பேச்சாளர் பொலிஸ் அத்தியட்சர் அஜித் ரோகன தெரிவித்தார்.

நேற்று முன்தினம் இரவு 9.45 மணியளவில் பரகதெனிய நகர் பகுதியில் வைத்தே குறித்த குடும்பஸ்தர் கொலை செய்யப்பட்டுள்ளார். கொலைச் சம்பவத்துடன் தொடர்புடைய இரு சந்தேக நபர்கள் பிரதேசத்திலிருந்து தப்பிச் சென்று தலைமறைவாகியுள்ளனர்.

படுகொலையான நபருக்கும் சந்தேக நபர்களுக்கும் இடையில் நீண்டகால பகையொன்று நிலவி வந்ததாகவும் அதனை அடிப்படையாகக் கொண்டே இக்கொலைக் குற்றம் புரியப்பட்டுள்ளதாகவும் ஆரம்ப கட்ட விசாரணைகளில் இருந்து தெரிய வருவதாகக் குறிப்பிடும் மாவத்தகம பொலிஸார் சம்பவம் தொடர்பான மேலதிக விசாரணைகளை மேற்கொண்டு வருகின்றனர்.