மாணவியின் தந்தையின் கத்திக்குத்தில் மாணவன் பலி - எஹலியகொடயில் சம்பவம்

பாடசாலை மாணவியொருவரை கடத்துவதற்கு முயற்சித்ததாக கூறப்படும் 18 வயது இளைஞன் அந்த மாணவியின் தந்தை நடத்திய கத்திக் குத்தில் உயிரிழந்துள்ளார்.

வெள்ளிக்கிழமை பிற்பகல் 2.15 அளவில் எஹலியகொட தேசிய பாடசாலைக்கு முன்னால் குறித்த இளைஞன் கத்தியை காட்டி பயமுறுத்தி மாணவியை கடத்துவதற்கு முயற்சித்ததாக பொலிஸ் ஊடகப் பேச்சாளர் குறிப்பிட்டுள்ளார்.

இதன்போது மாணவியின் தந்தை கத்தியை பறித்து குறித்த இளைஞனை குத்தியுள்ளார். சம்பவத்தில் இளைஞன் உயிரிழந்ததுடன், மாணவியின் தந்தை சந்தேகத்தின் பேரில் கைதுசெய்யப்பட்டுள்ளதாக பொலிஸார் தெரவிக்கின்றனர்.

கடந்த சில நாட்களாக உயிரிழந்த இளைஞனால் அந்த மாணவிக்கு பல்வேறு விதத்திலும் இடையூறுகள் விளைவிக்கப்பட்டதாக பொலிஸாருக்கு தகவல் கிடைத்துள்ளது.