துனீசியாவிலிருந்து லிபியாவின் முன்னாள் பிரதமர் நாடு கடத்தப்பட்டார்

முன்னாள் லிபியா பிரதமர் பக்தாதி அல் மஹ்மூதியை துனீசியா லிபியாவுக்கு நாடு கடத்தியது. கத்தாஃபியின் நம்பிக்கைக்கு உரியவராக திகழ்ந்த பாக்தாதியை, திரிபோலியில் நடக்கும் விசாரணையில் ஆஜராக நாடு கடத்தியதாக துனீசியா பிரதமர் ஹமதி ஜபாலியின் செய்தி தொடர்பாளர் தெரிவித்தார்.

இதனிடையே, மஹ்மூதியை நாடு கடத்தியது தொடர்பாக துனீசியா அதிபருக்கும், பிரதமருக்கும் இடையே கருத்துவேறுபாடு ஏற்பட்டதாக கூறப்படுகிறது.

பாக்தாதியை நாடு கடத்துவதை அதிபர் முன்ஸிஃப் மர்ஸூகி முன்னர் எதிர்த்திருந்தார். கத்தாஃபியின் ஆட்சியின் கடைசி நாட்களில் லிபியாவின் பிரதமராக பதவி வகித்த பாக்தாதி, அல்ஜீரியாவுக்கு தப்பிச்செல்லும் வழியில் செப்டம்பர் 21-ஆம் தேதி துனீசியா போலீஸ் கைது செய்தது.