நாட்டில் பல மட்டங்களில் பூமியதிர்வுகள் ஏற்படலாம் - புவிச்சரிதவியல் நிபுணர் தெரிவிப்பு

TN

இலங்கை அமைந்துள்ள நிலத்தட்டு வட கிழக்கு நோக்கி நகர்வதால் நாட்டில் பல மட்டங்களில் பூமியதிர்வுகள் ஏற்படலாமென கண்டி, அடிப்படை கற்கை நிலையப் பணிப்பாளரும், பேராதனை பல்கலைக்கழக புவிச்சரிதவியல் முன்னாள் சிரேஷ்ட விரிவுரையாளருமான சீ. பி. திசாநாயக்க தெரிவித்துள்ளார்.

நாட்டின் தென்கரை பகுதிக்கு 500 கிலோ மீற்றர் தூரத்தில் நிலை கொண்டுள்ள நிலத்தட்டின் எல்லை காரணமாக இலங்கை அமைந்துள்ள இந்திய அவுஸ்திரேலிய நிலத்தட்டு 8 மில்லியன் ஆண்டுகளாக இரண்டாகியுள்ளது.

இதனால் இலங்கை அமைந்துள்ள நிலத்தட்டு ஈஸான மூலையை (வட கிழக்கு) நோக்கி நகர்கிறது.

இதனால் இலங்கையில் நில அதிர்வுகள் தொடர்பாக ஆராய்ச்சி நடத்தும் விஞ்ஞானிகள் இந்திய வலயத்தில் புவிச்சரிதவியல் விஞ்ஞானிகளுடன் சேர்ந்து ஆராய்ச்சி நடத்துவது மிக முக்கியம் என்றும் பேராசிரியர் திசாநாயக்க தெரிவித்தார்.

இலங்கைக்கு தென் புறமாக உருவாகும். நிலத்தட்டு எல்லை பற்றி புவிச்சரிதவியல் விஞ்ஞானிகள் கடும் அவதானம் செலுத்த வேண்டும் என்றும் அவர் கூறியுள்ளார். 2000 ஆம் ஆண்டில் இந்த எல்லைக்கு அருகில் 07  ரிச்சர்க்கும் மேற்பட்ட நில அதிர்வு பதிவாகியுள்ளது.

1615 ஆம் ஆண்டில் போத்துகேயர் காலத்தில் கொழும்பிலும் அதனை அண்மித்த பகுதிகளிலும் நில அதிர்வினால் இரண்டாயிரம் பேர் வரை மரணித்ததாக தகவல் பதிவாகியுள்ளதாகவும் அவர் தெரிவித்தார்.