சவூதி அரேபியாவிலுள்ள இலங்கைத் தூதரக அதிகாரி இலஞ்சம் வாங்குகிறார்..?

சவூதி அரேபியாவிலுள்ள இலங்கைத் தூதரக அதிகாரிகள் சிலர் இலஞ்சம் வாங்கும் அசிங்கமான செயல்களில் ஈடுபட்டுவருவதாக குற்றம் சுமத்தப்பட்டுள்ளது.

சவூதி அரேபியாவிலிருந்து எமது இணையத்துடன் தொடர்புகொண்ட மொஹமட் நாஸீர் என்ற சகோதரரே இவ்வாறு பகிரங்கமாக குற்றம் சுமத்தினார். இதுகுறித்து அவர் மேலும் தகவல் தருகையில்,

சவூதி அரேபியாவிலுள்ள இலங்கை தூதரகத்தில் பணியாற்றும் சுஜீவ என்பவர் என்னிடம் இலஞ்மாக 500 றியால்களை பெற்றுக்கொண்டார். அவரிடம் ஒரு கையொப்பம் பெறுவதற்காகவே இவ்வாறு சுஜீவ என்பவரிடம் 500 றியால்களை கொடுத்தேன்.

மேலும் முஸ்லிம்கள் விடயத்தில் திட்டமிட்ட வகையில் பாரபட்சத்துடன் செயற்படும் இந்த சுஜீவ என்பவரின் செயற்பாடுகள் தூதுவர் ஜவாட் அறிந்திருக்க வாய்ப்பில்லை. இதுகுறித்து இன்னும் சில தூதரக அதிகாரிகள் அறிந்திருக்கிறார்கள்.

சுஜீவ என்பவரின் இவ்வாறான செயற்பாடுகளை தட்டிக்கேட்டால், உயர் அரசியல் வாதிகளுடன் தனக்கு தொடர்பிருப்பதாகவும். தன்னை எவரும் தட்டிக்கேட்க முடியாதெனவும், மரியாதை குறைவான வார்த்தைகளுடன் பேசுவதாகவும், இதுகுறித்து உடனடியாக அரசாங்கம் உடனடிக் கவனம் செலுத்த வேண்டுமென்பதே சவூதி அரேபியாவிலுள்ள இலங்கை முஸ்லிம்களின் விருப்பமாகுமெனவும் அவர் மேலும் தெரிவித்தார்.

அத்துடன் சவூதி அரேபியாவிலுள்ள இலங்கைத் தூதரகத்திற்கு தமது தேவைகளை நிறைவேற்றச் செல்பவர்களுக்கு உரிய வசதிகள் செய்துகொடுக்கப்படுவதில்லை எனவும், இதனால் அவர்கள் தூதரகத்திற்கு வெளியே கொடும் வெய்யலில் காத்திருக்கவேண்டியிருப்பதாகவும், மற்றும் சிலர் தமது தேவைகளை நிறைவேற்றிக்கொள்வதற்காக வெளியே படுத்துறங்கும் நிலை ஏற்படுவுதாகவும் அவர் மேலும் கூறினார்.

எமது குறிப்பு - இந்த குற்றச்சாட்டுக்கள் தொடர்பில் சவூதி அரேபியாவிலுள்ள இலங்கை தூதரகத்தை எமது இணையம் தொடர்புகொள்ள முயன்றபோதும் அது பயனளிக்கவில்லை.