பாலத்தோப்பில் வாகன விபத்து - தந்தையும், மகளும் ஸ்தலத்தில் வபாத்தாகினர்

TM

முர்ஷித், பரீட்

திருகோணமலை – மட்டக்களப்பு பிரதான வீதி, பாலைத்தோப்பு, கையில்வாடி பிரதேசத்தில் இன்று காலை இடம்பெற்ற வாகன விபத்துச் சம்பவமொன்றில் தந்தை,  மகள் என இருவர் ஸ்தலத்திலேயே உயிரிழந்துள்ளனர்.
 
 காலை 8 மணியளவில் குறித்த பகுதியினூடாகப் பயணித்துக்கொண்டிருந்த மோட்டார் சைக்கிளொன்றும் லொறியொன்றும் மோதி விபத்துக்குள்ளானதில் மோட்டார் சைக்கிளில் பயணித்துக்கொண்டிருந்த இருவருமே உயிரிழந்துள்ளனர்.

சம்பவத்தில், தோப்பூர் தபால் அலுவலக ஊழியரான கே.எம்.நௌபல் (வயது 50) மற்றும் அவரது மகள் பாத்திமா ஸிபாயா (வயது 19) ஆகிய இருவருமே உயிரிழந்துள்ளனர். விபத்து தொடர்பான மேலதிக விசாரணைகளை பொலிஸார் மேற்கொண்டு வருகின்றனர்