ஆப்கானிஸ்தான் களியாட்ட ஹோட்டல் மீது தலிபான்கள் 3 தற்கொலை தாக்குதல்கள் (வீடியோ)

காபூலில் அமைந்துள்ள ஹோட்டலொன்றில் தலிபான் கிளர்ச்சியாளர்கள் நடத்திய தாக்குதல் முடிவுக்கு கொண்டுவரப்பட்டுள்ளதாக அறிவிக்கப்பட்டுள்ளது. 12 மணிநேரம் நீடித்த இந்தத் தாக்குதலில் 13 பொதுமக்கள் கொல்லப்பட்டுள்ளதாக உத்தியோகப்பூர்வ தகவல்கள் தெரிவிக்கின்றன.

தலிபான் கிளர்ச்சியாளர்கள் ஹோட்டலில் இருந்தவர்களை பணயக் கைதிகளாக தடுத்து வைத்து, நேற்றிரவு முதல் ஆப்கான் பாதுகாப்பு தரப்பினருடன் மோதலில் ஈடுபட்டனர்.

தாக்குதலுக்கு உரிமைகோரியுள்ள தலிபான் இயக்கம், ஆப்கானிஸ்தானிலுள்ள செல்வந்தர்களும் வெளிநாட்டவர்களும் களியாட்ட விருந்துகளுக்கு குறித்த ஹோட்டலைப் பயன்படுத்துவதால் தாக்குதல் நடத்தியதாக அறிவித்துள்ளது.

எவ்வாறாயினும், அமெரிக்க கூட்டணி படையினருடன் இணைந்து இந்தத் தாக்குதல் வெற்றிகரமாக முறியடிக்கப்பட்டுள்ளதாக ஆப்கான் படையினர் குறிப்பிட்டுள்ளனர்.