அமெரிக்க விமானத்தை தகர்க்கும் அல்காய்தா முயற்சி முறியடிப்பு

தங்கள் நாட்டு விமானம் ஒன்றை வெடிகுண்டு வைத்து தகர்க்கும் அல்காய்தாவின் முயற்சி முறியடிக்கப்பட்டுள்ளதாக அமெரிக்கா தெரிவித்துள்ளது.

அமெரிக்க உளவுத்துறை மற்றும் பல்வேறு நாடுகளில் உள்ள உளவுத்துறை அமைப்புகளின் உதவியுடன் விமானத்தில் வைக்கப்பட்டிருந்த வெடிகுண்டு வெளிநாடு ஒன்றில் கைப்பற்றப்பட்டதாக எஃப்பிஐ வெளியிட்ட செய்தியில் தெரிவிக்கப்பட்டுள்ளது.

அதிபர் ஒபாமாவுக்கு இதுகுறித்து தெரிவிக்கப்பட்டதும், மீண்டும் இதுபோன்ற சம்பவங்கள் நடக்காமல் இருக்க தேவையான நடவடிக்கைகளை எடுக்குமாறு புலனாய்வு அமைப்புகளுக்கு உத்தரவிட்டார் என்று தேசிய பாதுகாப்பு கவுன்சிலின் துணைத் தலைவர் கெய்ட்லின் ஹைடன் தெரிவித்தார்.(தினமணி)