லிபியாவில் பிரதமர் அலுவலகம் 200 ஆயுததாரிகளால் முற்றுகை

லிபியாவின் பிரதமர் அலுவலகத்தை இலக்கு வைத்து நடத்தப்பட்ட தாக்குதல்களில் இருவர் உயிரிழந்துள்ளதுடன் மேலும் நால்வர் காயமடைந்துள்ளனர். 200 ற்கும் அதிகமான ஆயுததாரிகள், பிரதமர் அலுவலகத்தை சுற்றிவளைக்க முற்பட்டதாகவும் அதன் பின்னர் தாக்குதல் மேற்கொண்டதாகவும் தெரிவிக்கப்படுகின்றது.

எனினும், பிரதமர் உள்ளிட்ட முக்கிய அதிகாரிகளுக்கு இதன்போது பாதிப்புகள் ஏதும் ஏற்படவில்லை என்று லிபியத் தகவல்கள் கூறுகின்றன.

இந்த தாக்குதல் நடத்தப்பட்ட சந்தர்ப்பத்தில் நிதி அமைச்சர் மற்றும் துணைப் பிரதமர் ஆகியோர் அலுவலகத்திலிருந்ததாக தெரிவிக்கப்படுகின்றது. லிபியாவின் முன்னாள் கிளர்ச்சிக் குழு ஒன்றே இந்த தாக்குதல்களை நடத்தியுள்ளது.

முன்னாள் தலைவர் முஅம்மர் கடாபி கொல்லப்பட்டதன் பின்னர், லிபியாவில் அமைதியை நிலைநாட்டுவதில் தொடர்ந்தும் சிக்கல்கள் ஏற்பட்டுள்ளன.