யாழ்/கிளிநொச்சி முஸ்லிம் சம்மேளன தலைவராக எம்.நிலாம் தெரிவு - குழப்பமும் முறியடிப்பு

யாழ் முஸ்லிம் இணைய விஷேட நிருபர்

யாழ் கிளிநொச்சி முஸ்லிம் சம்மேளனத்தின் மிகவும் எதிர்பார்க்கப்பட்ட பிரதிநிதிகள் சபைக்கூட்டம் இன்று ஞாயிற்றுக்கிழமை காலை 10 மணியளவில் யாழ் ஒஸ்மானியா வளாகத்தில் அதன் உப தலைவர் அல்ஹாஜ் அமீன் அவர்களின் தலைமையில் தொடக்கப்பட்டது. சுமார் 35 அங்கத்தவர்கள் கலந்துகொண்ட இந்த பிரதிநிதிகள் சபைக்கூட்டத்தில் பல்வேறு முக்கிய விடயங்கள் எடுத்தாளப்பட்டன.

இன்றைய கூட்டத்தில் மிகவும் முக்கியமான விடயமாக தலைவர் தெரிவு விடயம் காணப்பட்டது, சட்டத்தரணி றமீஸ் அவர்கள் சம்மேளனத்தின் யாப்பின் அடிப்படையில் தலைவர் தெரிவு விடயத்தை அறிமுகம் செய்து சபைக்கு விளக்கமளித்தார், அதனைத்தொடர்ந்து ஒரு சிலர் முபீன் இல்லாத நிலையில் புதிய தலைவர் தெரிவு எவ்வாறு இடம்பெறும் என்று கேள்வி எழுப்பவே, முபீன் அவர்கள் எழுத்துமூலம் அனுப்பிய செய்தி சபையில் படிக்கப்பட்டது. சபையைக் குழப்ப ஒரு சிலர் முயன்றபோதும் சபையில் இருந்த பெரும்பான்மையான அங்கத்தவர்கள் அதற்கு இடமளிக்கவில்லை.

இதனைத்தொடர்ந்து தலைவர் தெரிவு இடம்பெற்றது. சம்மேளனத்தின் புதிய தலைவராக சகோதரர் எம்.நிலாம் அவர்களும் பிரதி தலைவராக சகோதரர் மீரான் லாபிர் (பிளவ்ஸ்) அவர்களும் தெரிவு செய்யப்பட்டார். அடுத்துவரும் 4 மாதங்களுக்கு குறித்த இருவரும் பதவியில் தங்கியிருப்பார்கள் என சம்மேளனத்தின் செயலாளர் அவர்கள் எமக்குத் தெரிவித்தார்கள்.