யாழ்/கிளிநொச்சி சம்மேளன கூட்டம் திட்டமிட்டபடி நடக்கும் - தலைவர் தெரிவும் நடைபெறும்

யாழ்ப்பாணம் கிளிநொச்சி முஸ்லிம் சம்மேளனம் செயற்குழு கூட்டம் எதிர்வரும் முதலாம் திகதி, ஞாயிற்றுக்கிழமை திட்டமிட்ட அடிப்படையில் நடைபெறுமென சம்மேளன செயலாளர் சட்டத்தரணி ரமீஸ் தெரிவித்தார்.

யாழ் முஸ்லிம் இணையம் தொலைபேசி மூலம் தொடர்புகொண்டு விசாரித்தபோதே ரமீஸ் இவ்வாறு குறிப்பிட்டார்.  இந்த கூட்டத்தின்போது யாழ்ப்பாணம் கிளிநொச்சி முஸ்லிம் சம்மேளனத்தின் அடுத்த (புதிய) தலைவர் தெரிவு செய்யப்படுவாரெனவும் அவர் மேலும் தெரிவித்தார்.

பிற்குறிப்பு - யாழ் முஸ்லிம் இணையத்தில் நேற்று வியாழக்கிழமை, 29 ஆம் திகதி சம்மேளன கூட்டம் பற்றிய ஒரு செய்தி வெளியாகியிருந்தது. சகோதரர் முபீன் சார்பில் அந்த அறிவித்தல் யாழ் முஸ்லிம் இணையத்திற்கு அனுப்பிவைக்கப்பட்டிருந்தது.

இந்த செய்தியை உறுதிப்படுத்தும் நோக்குடன் சம்மேளன செயலாளர் என்றவகையில் சட்டத்தரணி ரமீஸுடைய கையடக்க தொலைபேசி இலக்கத்திற்கு யாழ் முஸ்லிம் இணையம் (இலங்கை நேரம் பிந்நேரம் 4.20 மணிக்கு) தொடர்புகொண்டது. இருந்தபோதும் அவரிடமிருந்து பதில் கிடைக்கவில்லை. அவரிடமிருந்து எமது தொலைபேசி அழைப்பு தொடர்பில் ஏதேனும் பதில் வருமென காத்திருந்தோம். எனினும் பதில் வரவில்லை. இதனையடுத்தே முபீன் அனுப்பியிருந்த செய்தி பதிவேற்றம் செய்யப்பட்டது என்பதையும் இங்கு சுட்டிக்காட்ட விரும்புகிறோம்.