மாணவ குழுக்களிடையே மோதல் - முகாமைத்துவ பீடம் மூடப்பட்டது

கொழும்பு பல்கலைக்கழகத்தின் முகாமைத்துவ பீடம் தற்காலிகமாக மூடப்பட்டுள்ளதென கொழும்பு பல்கலைக்கழக உபவேந்தர் பேராசிரியர் கிஸ்னிக்கா ஹிரிம்புரேகம தெரிவித்துள்ளார்.

முதல் வருட மாணவர்களை தவிர்ந்த ஏனைய வருட முகாமைத்துவ மாணவர்களின் பீடம் இரு வாரங்கள் மூடப்பட்டுள்ளதாக அவர் குறிப்பிட்டார். முகாமைத்துவ பீடத்தில் நீண்ட காலமாக இரு மாணவர் குழுக்களுக்கு இடையே மோதல் நிலவிவருவதாகவும் இன்று செவ்வாய்கிழமையும் அவ்வாறு மோதல் ஏற்பட்டதாகவும் அவர் தெரிவித்தார்.

தனியே மாணவர்களுக்கு இடையிலான மோதலாக அன்றி ஏனைய சில காரணங்களும் மோதலுக்கு துணை நிற்பதாக கொழும்பு பல்கலைக்கழக உபவேந்தர் பேராசிரியர் கிஸ்னிக்கா ஹிரிம்புரேகம கூறினார். இந்த மோதலுடன் தொடர்புடைய மாணவர் குழுக்களை பல்கலைக்கழகத்திலிருந்து இடைநிறுத்த நடவடிக்கை எடுத்துள்ளதாகவும் இது குறித்து ஆராய குழுவொன்று நியமிக்கப்பட்டுள்ளதாகவும் அவர் குறிப்பிட்டார்