காங்கேசன்துறையில் இயந்திரம் வெடித்ததில் 7 பேர் காயம்

யாழ் நகரப்பகுதியினில் கட்டட வேலைக்காக எடுத்து செல்லப்பட்ட இயந்திர தொகுதியொன்று இன்று காலை வெடித்துச்சிதறியதில் ஏழு தொழிலாளர்கள் காயங்களுக்குள்ளாகியுள்ளனர். காங்கேசன்துறை வீதிப்பகுதியில் இந்த விபத்து இடம்பெற்றுள்ளது.

புதிதாக கட்டப்பட்டுக்கொண்டிருக்கும் மாடிக்கட்டடமொன்றிற்கு பாரமான பொருட்களை ஏற்ற முற்பட்ட வேளை இவ்விபத்து இடம்பெற்றுள்ளது.

காயமடைந்த அனைத்து தொழிலாளர்களும் உடனடியாக யாழ் போதனா வைத்திசாலையின் அவசர சிகிச்சைப்பிரிவினில் அனுமதிக்கப்பட்டுள்ளனர்.

வேலைத்தளத்தினில் உரிய பாதுகாப்பு முன்னேற்பாடுகள் செய்யப்பட்டிருக்காமையே விபத்துக்கு காரணமென தெரிவிக்கப்படுகின்றது.