அம்பியுலன்ஸ் வண்டியுடன் 2 பஸ்கள் மோதி இருவர் பலி

அம்பியுலன்ஸ் ஒன்றுடன் இரண்டு பஸ்கள் மோதியதால் 12 வயது சிறுவன் உட்பட இருவர் உயிரிழந்துள்ளதுடன் 12 பேர் படுகாயமடைந்துள்ளனர்.

மாத்தளை தம்புள்ளை ஏ- 9 பிரதான வீதியில் வல்லிவெல என்னுமிடத்தில் இன்று மாலை ஏற்பட்ட இவ் வீதி விபத்தின் போது அம்பியுலன்ஸ் வண்டியின் சாரதியும் அதிலிருந்த 12 வயதுச் சிறுவனும் உயிரிழந்துள்ளனர்.

பஸ் வண்டியிலிருந்த 12 பேர் காயமடைந்துள்ளனர். காயமடைந்தவர்கள் தற்போது மாத்தளை வைத்திய சாலையில் அனுமதிக்கப்பட்டுள்ளதுடன் மஹவெல பொலிஸார் மேலதிக விசாரணைகளை மேற்கொண்டு வருகின்றனர்